Keza "Yuventus"dagi "tugallanmagan ishlari"ni yakunlanmoqchi

"Liverpul" vingeri Federiko Keza joriy oyda A Seriyaga qaytish niyatida. 28 yoshli futbolchi "Yuventus"ga o'tishni talab qilmoqda, deya xabar bermoqda La Gazzetta dello Sport. Turinliklar Kezaning qaytishidan manfaatdor, italiyalikning o'zi ham yana "keksa senora" uchun o'ynash niyatida.

Futbolchining fikricha, uning "Yuventus"da "tugallanmagan ishlari" qolgan. Eslatib o'tamiz, u jamoaning o'sha paytdagi murabbiyi Tyago Mottaga kerak bo'lmagani uchun klubni tark etgandi. "Byankonerilar"ning hozirgi bosh murabbiyi Luchano Spalletti tarkibni Evropa chempioni bilan kuchaytirmoqchi.

"Liverpul" Federiko Kezani 12-15 mln evroga sotishga tayyor, "Yuventus" esa sotib olish imkoniyati bilan ijara bo'yicha kelishishga umid qilmoqda.