Alan Shirer: «MYu»ga Sulsherni yana bosh murabbiy etib tayinlash juda g'alati qaror»

Angliya terma jamoasining sobiq hujumchisi Alan Shirer «Manchester Yunayted» klubining bosh murabbiy lavozimiga Ole-Gunnar Sulsherni qayta taklif qilish niyatini tanqid qildi.

«Sulsherni yana “MYu”ning bosh murabbiyi etib tayinlash — juda g'alati. Agar bu lavozimga Fletcher yoki Kerrik qo'yilsa, tushunarli bo'lardi, ammo klub allaqachon ishdan bo'shatilgan murabbiyga qayta yuzlanish menga g'alati tuyulyapti. Ha, Ole bu jamoada o'ynagan va vaqtinchalik murabbiy sifatida yaxshi ish qilgan, ammo keyin uni bejizga ishdan bo'shatishmagan. Agar vaqtinchalik murabbiy yaxshi ishlasa, ehtiyotkor bo'lish va yana o'sha tuzoqqa tushib qolmaslik muhim.

Bu aylanmani uzishning yo'li — kuchli, yulduzli murabbiyni tayinlab, unga erkin ishlash imkoniyatini berish. Shu bois hozirgi kunda birinchi uchlikda borayotgan «Arsenal», «Manchester Siti» va «Aston Villa» jamoalarida amalda barcha qarorlarni aynan murabbiylar qabul qilayotgani bejiz emas. U erda sport direktorlari bor, lekin ular birgalikda ishlashmoqda. Agar «MYu» ham istagan o'rinlarga yaqinlashmoqchi bo'lsa, xuddi shu yo'ldan borishi kerak», — dedi Shirer The Rest is Football podkastida.

Ayni paytda «Manchester Yunayted» Angliya chempionati turnir jadvalida 32 ochko bilan oltinchi o'rinni egallab turibdi.

Manba: championat.com