"MYu" yosh vinger transferi uchun 100 million evro sarflashi kerak

Vinger Yan Diomande yaqin kelajakda "RB Leyptsig"ni tark etishi mumkin. Ivuarlik futbolchiga ko'plab grand klublar qiziqish bildirmoqda va ular orasida "Manchester Yunayted" ham bor.

CaughtOffside xabariga ko'ra, "Manchester Yunayted" allaqachon Diomande bo'yicha taklif bilan chiqqan. "RB Leyptsig" 100 million evro atrofida taklif tushsagina, muzokaralarni boshlashi mumkin. Nemis klubidagilar Diomande transferi uchun 60-70 million etmasligini ma'lum qilishdi.

Qayd etilishicha, "RB Leyptsig" muzokaralarda kuchli pozitsiyada turibdi, chunki Diomandening shartnomasi 2030 yilning yozigacha mo'ljallangan. Futbolchi 2026 yilning yozidagina klubini o'zgartirishi kutilmoqda.