Sulsherning "MYu"da oladigan maoshi bo'yicha ma'lumotlar chiqdi

Agar Ole-Gunnar Sulsher "Manchester Yunayted"ga qaytadigan bo'lsa, o'tgan safargidan kamroq maosh oladi.

Norvegiyaning Nettavisen sayti manbalariga ko'ra, murabbiy haftasiga 50 mingdan 60 ming funtgacha maosh olishi mumkin (agar kelishuv qisqa muddatli bo'lmasa, yiliga 2,6 milliondan 3,1 milliongacha). Shuningdek, jamoa Chempionlar ligasiga yo'llanma olsa, unga 3 mln funtdan 4 mln funtgacha bonus to'lanadi.

Qayd etilishicha, 2018 yildan 2021 yilgacha "MYu" Sulsherga yiliga 7,2 mln funt to'lagan.