"Chelsi" yangi murabbiy uchun Fermin va Leauni sotib olishga tayyor

Londonning "Chelsi" klubi rahbariyati qishki transferlar davrida yangi bosh murabbiy Liam Rosenorni qo'llab-quvvatlashga to'liq tayyor. Bu haqda Fichajes xabar bermoqda.

Manbaga ko'ra, yanvar oyida "ko'klar" "Barselona" yarim himoyachisi Fermin Lopes va "Milan" hujumchisi Rafael Leau sotib olishni rejalashtirmoqda.

"Chelsi" 21-turdan so'ng Angliya Premer-ligasi turnir jadvalida 31 ochko bilan sakkizinchi o'rinda bormoqda.

Keyingi turda Rosenor shogirdlari o'z maydonida "Brentford"ni qabul qiladi. Poytaxt derbisi 17 yanvar kuni bo'lib o'tadi.