"Chelsi" APLning ikkinchi to'purari uchun 80 million evro to'lashi kerak bo'ladi

"Brentford" hujumchisi Igor Tiago "Chelsi" qiziqishlari doirasiga tushib qoldi.

Football Insider xabariga ko'ra, "ko'klar" 26 yoshli forvard transferini jiddiy ko'rib chiqmoqda. "Brentford" o'z futbolchisini 80 million evroga baholamoqda. "Chelsi" yanvar oyidayoq shartnomani rasmiylashtirishga urinib ko'rishga tayyor.

Igor Tiago 2024 yilning yozida "Bryugge"dan 33 million evro evaziga "Brentford"ga o'tgandi. Uning shartnomasi 2029 yilning 30 iyuniga qadar imzolangan. Joriy mavsumda braziliyalik futbolchi barcha musobaqalarda 22 ta o'yinda maydonga tushib, 17 ta gol urdi va bitta golli uzatmani amalga oshirdi. Transfermarkt portali Tiagoni 35 million evroga baholamoqda.

Eslatib o'tamiz, Igor Tyago 16 ta gol bilan joriy mavsum APLda ikkinchi eng yaxshi to'purar bo'lib turibdi. Undan faqat "Manchester Siti" vakili Erling Xolanda ko'proq gol urgan - 20.