Mbappe Ispaniya Superkubogi finaliga shaxsiy samolyotda uchmoqda

Madridning "Real" klubi hujumchisi Kilian Mbappe Saudiya Arabistoniga yo'l oldi. Bu haqda madridistaReal xabar bermoqda.

Manbaga ko'ra, frantsiyalik futbolchi Ispaniya Superkubogi final uchrashuviga shaxsiy samolyotda uchmoqda. Ta'kidlanishicha, so'nggi soatlarda Mbappe "Barselona"ga qarshi o'yinga tiklanib olishga ulgurish uchun juda jiddiy ishlagan.

"Barselona" va "Real" o'rtasidagi bahs 11 yanvar, yakshanba kuni bo'lib o'tadi. Bosh hakamning boshlang'ich hushtagi Toshkent vaqti bilan soat 00:00 da yangraydi.