Morgan "Liverpul"ga qarshi o'yindan keyin "Arsenal" va Dyokereshni tanqid qildi

Buyuk britaniyalik taniqli jurnalist Pirs Morgan Angliya chempionatining 21-turidan o'rin olgan markaziy o'yin - Londonning "Arsenal" va "Liverpul" (0:0) jamoalari o'rtasidagi durang haqida fikr bildirdi.

"Arsenal" o'yinchilarining chaqqon va eng yaxshi futboli emas. Dyokereshning o'yini meni xavotirga solmoqda, u gol urishni bilmaydigandek taassurot qoldirmoqda. Ammo jamoa bir ochko jamg'ara oldi. Men 6 ochkolik farqdan mamnunman," - deyiladi jurnalistning ijtimoiy tarmoqdagi sahifasida.

Kechagi bahsdan so'ng Mikel Arteta jamoasi 49 ochko jamg'arib, Premer-liga turnir jadvalida peshqadamlikni davom ettirmoqda. 35 ochkoga ega Arne Slot shogirdlari to'rtinchi pog'onada bormoqda.