Jeyms Milner — APLda tarixiy rekordga faqat to'rt o'yin qoldi

«Brayton» Angliya Premer-ligasining 20-turida o'z maydonida «Byornli»ni 2:0 hisobida mag'lub etdi.

Mezbonlar yarim himoyachisi Jeyms Milner 80-daqiqada o'yinga qo'shildi. Mazkur uchrashuv Milner uchun o'ziga xos ahamiyatga ega bo'ldi. Futbolchi APLda 25 yildan beri o'yinlarda ishtirok etib kelmoqda. Uning Angliya chempionatidagi debyuti 2002/2003 mavsumida «Lids» safida bo'lgan.

Bugun, 4 yanvar kuni, Milner 40 yoshga to'ladi. Hozir u Premer-liga tarixidagi eng ko'p o'yin o'tkazgan futbolchilar ro'yxatda ikkinchi o'rinda — 649 ta uchrashuv. Garet Barridan rekordni olib qo'yish uchun yana to'rt o'yin kerak.

Joriy mavsumda Milner klub safida 13 ta o'yinda maydonga tushib, birta gol urdi va bitta samarali uzatma amalga oshirdi.