Ferran Torres La Ligada ikki marta xet-trik qayd etgan - ikkalasi ham "Betis" darvozasiga

Ispaniya chempionatining navbatdagi, o'n beshinchi turida "Barselona" "Betis"ni yirik hisobda mag'lub etib, beshta gol urdi. Ulardan uchtasini Ferran Torres o'z hisobiga yozib qo'ydi.

Ma'lum bo'lishicha, "Barsa" hujumchisi uchun bu "Barselona" (shuningdek, "Valensiya"ni ham unutmaymiz) bilan Ispaniya chempionatlaridagi 193 o'yindagi ikkinchi xet-tri bo'ldi xolos.

Eng qizig'i, ikkalasi ham Sevilyaning "Betis" klubiga qarshi o'yinlarda qilingan. Birinchisi 2024 yilning yanvarida (o'shanda "Barselona" safarda 4:2 hisobida g'alaba qozongan), ikkinchisi esa 2025 yilning dekabrida, ya'ni kecha kechqurun sodir bo'lgan.