Abbosbek Fayzullaev «Bashakshehir» safida ikki tomonlama o'yinda ishtirok etdi

O'zbekiston terma jamoasiga chaqirilmagan yarimhimoyachi Abbosbek Fayzullaev Turkiyaning «Istanbul Bashakshehir» klubi safida ikki tomonlama o'tkazilgan o'yinda ishtirok etdi.

Bundan avval milliy jamoa bosh murabbiyi Fabio Kannavaro futbolchi nega terma jamoaga taklif etilmagani haqida izoh bergan edi — u hali to'liq sog'ayib, tiklanib ulgurmagan.

«Uning yo'qligiga yagona sabab — u hali 100% tiklanmagan. O'ylaymanki, mart oyidagi yig'ingacha qaytib keladi. Men Abbos bilan doimiy aloqadaman. Har bir futbolchi bilan gaplashib turaman, ularning holati va kayfiyati men uchun juda muhim», — dedi Kannavaro.

Avvalroq Fayzullaev tiklanish bosqichida ekani va tez orada O'zbekiston terma jamoasini kuchaytirishi kutilayotgani xabar qilingan edi.

Manba: stadion.uz