Shaxmat. Javohir Sindarov 5-bosqichning ilk o'yinida g'alaba qozondi, Yoqubboev durang o'ynadi

Hindistonning Goa shahrida bo'lib o'tayotgan shaxmat bo'yicha jahon kubogi musobaqasida bugun 5-bosqich doirasida ilk o'yinlar o'tkazildi.

Javohir Sindarov (2721) va germaniyalik Frederik Svene o'rtasidagi o'yin naq 5 soatdan oshiqroq davom etdi. Bahsning o'rtalarida hamyurtimiz kichik ustunlikni qo'lga kiritdi. Ammo keyinchalik ustunlikni oshiradigan yurishlarni qila olmagan bo'lsa, raqib aniq o'yin evaziga vaziyatni tenglashtirdi.

Partiyada Farzinlar va Ruxlar almashib ketgach, tomonlar endshpilga o'tishdi. Sindarovda ikki Fil qolgan bo'lsa, Svaneda bir Fil va bir Ot qoldi. Frederik tseytnot holatiga tushib qolgani uchun xato qila boshladi. Javohir bundan unumli foydalanib, g'alabani qo'lga kiritdi. 68-yurishga kelib Svane mag'lubiyatini tan oldi.


Nodirbek Yoqubboev va Gabriel Sargisyan (Armaniston) o'rtasidagi bahsda nisbatan tezkor durang qayd etishdi. 32-yurishga kelib tomonlar durangga imzo chekishdi. Bu paytga kelib doskada mutlaqo teng holat yuzaga kelgandi — 3tadan piyoda va bittadan Rux.

Nimchorak finalning javob uchrashuvlari ertaga o'tkaziladi.

Shaxmat bo'yicha jahon kubogi. 5-bosqichning ilk o'yinida qayd etilgan natijalar:

Manba: stadion.uz