Anchelotti Italiya terma jamoasini JCh finalida ko'rmoqchi

Braziliya terma jamoasining bosh murabbiyi Karlo Anchelotti 2026 yilgi jahon chempionatining ehtimoliy finali haqida o'z fikrini bildirdi.

Anchelottining aytishicha, u sovrin uchun kurashda Italiya terma jamoasi bilan bellashishni istaydi.

"Italiya terma jamoasi pley-offdan, ya'ni murakkab bosqichdan o'tishi kerak. To'g'risini aytsam, ular buning uddasidan chiqadi deb o'ylayman. Shundan so'ng ular bilan finalda uchrashishni xohlardim. Bundan hamma - italiyaliklar, braziliyaliklar va ayniqsa men xursand bo'lardik. His-tuyg'ular nuqtai nazaridan bu men uchun ajoyib bo'lardi," - deya Anchelottining so'zlarini La Gazzetta dello Sport keltiradi.