Tuxel "Manchester Siti" futbolchisining Angliya terma jamoasidagi debyutiga baho berdi: "Fantastika"
/ Kiritdi: BestMaster Ko'rilgan: 1920
Angliya terma jamoasi bosh murabbiyi Tomas Tuxel "Manchester Siti"ning chap qanot himoyachisi, milliy jamoada ilk bor o'ynagan Niko O'Raylini maqtadi.
20 yoshli futbolchi "uch sherlar" safida JCh-2026 saralashidan o'rin olgan Serbiyaga qarshi o'yinda debyut qildi. Uchrashuv inglizlarning 2:0 hisobidagi g'alabasi bilan yakunlandi.
"Niko uchun fantastik debyut. U juda xotirjam va uyatchan odam, kam gapiradi. U tezda moslasha oldi va Angliya terma jamoasi futbolchisiga qo'yiladigan barcha talablarni tushundi. U maydonda aqlli harakat qilmoqda. Men undan mamnunman," - dedi Tuxel o'yindan keyingi intervyusida.
O'Rayli kecha asosiy tarkibda maydonga tushdi va o'yin oxirigacha o'ynadi.
Bosh sahifaga
137
