"Al-Ahli" direktori jamoaning angliyalik yulduzining ketishi haqidagi mish-mishlarga munosabat bildirdi

"Al-Ahli" klubi direktori Ruy Pedro Braz jamoa hujumchisi Ayven Tonining klubni tark etishi mumkinligi haqidagi fikrlari bilan o'rtoqlashdi.

Avvalroq, 29 yoshli hujumchi xizmatiga Londonning "Tottenxem" klubi qiziqish bildirayotgani haqida xabarlar tarqalgan edi.

"Touni - top-o'yinchi, top-hujumchi. Yanvarda ketishi mumkinligi haqidagi mish-mishlar? Bu shunchaki yolg'on. Biz unga ishonamiz, bu mavzuga qaytishdan ma'no yo'q," - deya funktsionerning so'zlarini keltiradi jurnalist Fabritsio Romano.

Joriy mavsumda Touni barcha musobaqalarni inobatga olgan holda 15 ta o'yinda maydonga tushib, raqiblar darvozasini 11 marotaba ishg'ol qildi va 2 ta golli uzatma muallifiga aylandi.

Transfermarkt mutaxassislari 29 yoshli forvardning narxini 25 million evroga baholamoqda.