Flik Rafinyaning qaytishini orzuqib kutmoqda

“Barselona” bosh murabbiyi Xansi Flik joriy mavsumdagi eng katta tashvishlardan biri sifatida Rafinyaning jarohatini ta'kidlagan.

Xabarlarga ko'ra, Flik braziliyalik vingerni jamoa uchun Lamin Yamal va yarim himoyachi Pedri kabi muhim figura sifatida ko'radi.

Murabbiyning fikricha, Rafinyaning tezkorligi va hujumdagi universalligi “ko'k-anorranglilar” o'yin uslubining asosiy bo'g'inlaridan biri hisoblanadi.

28 yoshli futbolchi jarohati tufayli bir necha hafta maydondan chetda qolgan bo'lsa-da, Flik uning tiklanishini yaqindan kuzatmoqda va qayta maydonga tushishini jamoa uchun hal qiluvchi omil sifatida baholamoqda.

Rafinya FIFA kunlaridan so'ng yana o'yinlarda ishtirok etishga tayyor bo'lishi kutilmoqda.