Legionerlar ham so'mda maosh olishadi...?!
/ Kiritdi: BestMaster Ko'rilgan: 3916
![](https://futboltv.asia/images/news/somliklar.jpg)
Futbol jamoalarimiz xorijdan ishchi kuchi (legioner futbolchi) olib kelishgan va shartnoma tuzib olishgan.
Xorijdan kelgan futbolchi oylik, mukofot pul, ko'tarma pullarini so'mda olishga rozi bo'lgan. Aslida uddaburon futbolchi bo'lsa, “toshingni ter” deyishi kerak, talabini qo'yishi shart. Biroq, o'zbek so'miga uchib keladi, uchib ketayotganda esa ko'loplatib bir narsa qilib ketadi klublarimizning ustiga.
O'zimizdagi elit qatlam iloji boricha maoshlarini valyutada gaplashishga harakat qilsa-yu, bu gastarbayter futbolchi kelib, so'mda pul olsa. Uning nomiga “uzkard” ochishadi, pulini tashlab turishadi. Keyin vdrug futbolchi kerak bo'lmay qoladi va uni salkam haydab solishadi (kelayotganida o'rtada turgan dallollarga foyda keltirgan va missiyasi tugagan aslida uni).
Yaqindagina 1000 so'mliklarni sanab yurgan futbolchi chegaradan o'tib olishi bilan sherga aylanadi va FIFAga yig'lab maktub yozadi: “pullarim qolib ketdi, meni xafa qilishdi”, deb. FIFA bizga yozadi “o'zingiz hal qilasizmi yoki aralashaymi”, deb. O'FA klubga yozadi: “Qo'lingdan kelsa o'ynatmaysanmi legionerni, ahmoq”, deb. Keyin boyagi dallol shartta chek yozib, o'zimizning plastik kartaga qanchadir millionni haydab yuboradi (puli ko'p-da uni, beli og'rib topmagan): masala hal!
Tomosha esa keyin boshlanadi. Futbolchi “pulim qani, o'” deydi. Klub “paxta bankdan ochilgan plastikinga tushirdik, kelib olib ket” deydi (xuddi bizning plastik kartani O'zbekistondan tashqarida ishlatib bo'ladigandek). Masalan, o'sha futbolchi peymi orqali so'mini valyuta kartasiga bir amallab o'tkazvolishi mumkin (zamon o'zgarib ketdi-ku). Lekin u peymini qaerdan biladi? Unga gitara! Yo'q, pulimni olib kelib berasan deydi. Klub bankka yuguradi, echib ber shu kozyolni ovozini o'chiray deb.
Banklarimiz bunday paytlarda Shveytsariya banklaridan ham chiroyliroq va ishonchliroq javob beradi: “o'zi kelib olib ketmagunicha, vallomatingga ham bermayman”, deb. Mana shunday mashmashalar bor futbolimizda. Odamlar sevgan qiziga ham buncha ko'p xat yozmaydi, ammo FIFA doimo bizni eslab turadi.
Xo'sh, endi chet ellik futbolchiga oylikni so'mda to'lash mumkin emas, qilmoqchimiz. Chet el xo'rozqandi kerakmi, marhamat, valyutada sotib ol. Ikkinchidan, stadioni, akademiyasi, bazasi 5-tramvay (rahmatli) oxiridagi bir maskanni eslatib yuboradigan klubga legioner uchun umuman ruxsat bermaymiz. Ularga to'laydigan milliardlariga infratuzilma qursin. Hozircha shular.
Biroq ortda qolgan muammolarni ham echish kerak. Futbolda shu va shunga o'xshash millionta ish bor. Tashqaridagi “muxolifat” esa “format-format” deydi. Yo tavba...