"PSJ" yana uchta musobaqada g'alaba qozonmoqchi

"PSJ" mavsumdagi ikkinchi sovrinini qo'lga kiritdi.

Luis Enrike boshchiligidagi Parij klubi Frantsiya chempionligini qo'lga kiritdi. Jamoa 28-turda “Anje”ni (1:0) mag'lub etib, muddatidan avval chempionlikni qo'lga kiritdi.

Yanvar oyida “PSJ” finalda “Monako”ni mag'lub etib (1:0) Frantsiya Superkubogini qo'lga kiritgandi.

Parijliklar joriy mavsumda yana uchta sovrinni qo'lga kiritishni maqsad qilgan. Chempionlar ligasida "PSJ" chorak finalda “Aston Villa” bilan to'qnash keladi, may oyida jamoa Frantsiya kubogi finalida “Reyms”ga qarshi o'ynaydi, yozda esa klublar o'rtasidagi jahon chempionatida ishtirok etadi.