Terim "Al-Ittihod"ga qarshi o'yinni boshqargan germaniyalik hakamlarni tanqid qildi

"Ash-Shabab" bosh murabbiyi Fotih Terim Qirol kubogi yarim finalida "Al-Ittihod" bilan o'yinda (2:3) germaniyalik Sasha Shtegeman boshchiligidagi hakamlar brigadasining ishini tanqid qildi.

- Hakamda jiddiy tajriba yo'q, uning saviyasi ko'p narsani talab qiladi. "Al-Ittihod"ning birinchi goli noto'g'ri penaltidan keyin, ikkinchi gol esa burchak to'pidan keyin kiritildi.

Bu "Ash-Shabob"ning hakamlik xatolaridan birinchi marta jabr ko'rishi emas. Bu holat doimiy ravishda takrorlanadi. Saudiyalik hakamlar zo'r, men ular xorijliklar emas, balki bizning o'yinlarimizni boshqarishlarini afzal ko'raman", - dedi Terim Al Riyadiya bilan suhbatda.