Florentino Peres "Chelsi" yulduzining vakillari bilan uchrashuv o'tkazadi

Madridning "Real" klubi "Chelsi" yarim himoyachisi Entso Fernandes uchun asosiy da'vogar bo'lib turibdi.

Argentinalik futbolchiga Madridning boshqa bir klubi - "Atletiko" ham qiziqish bildirmoqda. RM Confidencial xabariga ko'ra, "Real" prezidenti Florentino Peres allaqachon xavbekning yozgi transferini muhokama qilish uchun uning vakillari bilan uchrashishni rejalashtirgan.

Entso Fernandesning Transfermarkt portalidagi narxi 75 mln evroga baholanmoqda, uning "Chelsi" bilan shartnomasi esa 2032 yilgacha mo'ljallangan. Joriy mavsumda 24 yoshli futbolchi "ko'klar" safida 35 ta o'yinda maydonga tushib, 5 ta gol va 9 ta golli uzatmaga mualliflik qilgan.