"Manchester Yunayted" o'z futbolchilarining kelajagi borasida bir qarorga keldi

Daily Mail xabariga ko'ra, "MYu" yozda Alexandro Garnacho va Kobbi Maynuni sotish haqida o'ylamoqda.

Ikkala futbolchi ham yanvar oyida ehtimoliy transferlar bilan bog'liq edi. Garnachoga "Napoli" va "Chelsi" qiziqish bildirgan. Biroq transferlarning birortasi ham amalga oshmadi va futbolchilar “Yunayted”da qolishdi.

Biroq, klub ularni yozgi transfer oynasida sotish imkoniyatini ko'rib chiqishga tayyor. Bundan tashqari, ularning har biri uchun qancha to'lash kerakligi allaqachon ma'lum: Garnacho taxminan 70 million funtga baholangan, Maynu esa 80 milliondan ortiq.