Qashqadaryoda qishki ta'til davri sport musobaqalariga boy o'tmoqda

Respublikamizdagi barcha bolalar-o'smirlar sport maktablari tomonidan qishki ta'til paytida o'quvchi-yoshlarning vaqtlarini mazmunli tashkil etish maqsadida sport musobaqalari o'tkazilayotgani haqida xabar bergan edik.

Qashqadaryo viloyatining barcha tuman va shaharlaridagi musobaqalar sportni ommalashtirishga xizmat qilmoqda.

Xususan, 5 yanvar kuni Mirishkor tumanida 400 nafarga yaqin yoshlar ishtirokida voleybol voleybol musobaqasi o'tkazildi.

kuni Shahrisabz tumanida boshlang'ich sinf o'quvchilari o'rtasida “Bolajon” sport musobaqasi tashkil etildi. Bellashuvlarda 200 nafardan ziyod bolakaylar 3x10m, 30m, 60m, 150 m, 200 m ga yugurish, koptokcha uloqtirish va uzoqqa sakrash bo'yicha kuch sinashdilar. 11-,13-,19- va 23- maktablarning jamoalari sovrinli o'rinlarni qo'lga kiritishdi.

6 yanvar kuni 1-4 sinf o'quvchilari o'rtasida harakatli o'yinlar va engil atletika bo'yicha tuman birinchiligi o'tkazildi. Musobaqalarda hududda joylashgan maktablardan 300 nafardan ortiq o'quvchi ishtirok etdi. Birinchi o'rinni 45-maktab, ikkinchi o'rinni 75-maktab va uchinchi o'rinni 70-maktab jamoasi qo'lga kiritdi.

7 yanvar kuni Shahrisabz tumanidagi maktablarning boshlang'ich sinf o'quvchilari o'rtasida mini-futbol bo'yicha tuman birinchiligi bo'lib o'tdi. 100 nafarga yaqin bolalar ishtirok etgan musobaqada 2-, 16- va 45-maktab jamoalari sovrindorlar qatoridan joy olishdi.

Kitob tumanida kurash bo'yicha 2006-2009 yillarda tug'ilgan yoshlar o'rtasida “Temurbekning izdoshlari” shiori ostida BO'SM birinchiligi o'tkazildi. Musobaqada 100 nafardan ortiq o'quvchi qatnashdi.