Toshkentda yig'inga kirishgan O'zbekiston ayollar olimpiya terma jamoasi a'zolari tibbiy tekshiruvdan o'tishdi

O'zbekiston ayollar olimpiya terma jamoasi a'zolari bo'lajak musobaqalarga jiddiy tayyorgarlik ko'rish maqsadida Toshkentda yig'in olib borishayotgani haqida avval xabar berib o'tgandik. Bugun Bahrom Norsafarov shogirdlari Respublika ilmiy-amaliy sport meditsinasi markazida tibbiy tekshiruvdan o'tishdi.

Eslatib o'tamiz, joriy yilning aprel oyida O'zbekiston ayollar olimpiya terma jamoasi Tokio-2020 Olimpiadasi saralashining ikkinchi bosqichida ishtirok etadi. 

Yig'in davomida murabbiylar shtabi terma jamoaga nomzod futbolchilarni saralab olib, asosiy tarkibni shakllantirish ishlarini olib borishmoqda. 

Yig'in 15 yanvarga qadar davom etadi.