“Chelsi”ni qishki transfer oynasida bir qancha futbolchilar tark etadi

Londonning “Chelsi” klubi qishki transfer oynasida bir qancha futbolchilarini qo'yib yuborishi mumkin.

Gap shundaki, yarim himoyachilar Karni Chukvuemeka, Kirnan Dyusberi-Xoll va Chezar Kasadei, shuningdek, chap qanot himoyachisi Ben Chiluell jamoani tark etishi mumkin.

GivemeSport xabariga ko'ra, to'rtta futbolchi ham shu oyda "ko'klar"ni tark etishi kutilmoqda. O'yinchilarning ba'zilari ijaraga ketadi, boshqalari esa sotiladi.

"Chelsi" 20-turdan keyin APL turnir jadvalida "Nottingem Forest" va "Arsenal"dan 4 ochko, peshqadam "Liverpul"dan 10 ochko ortda qolgan holda to'rtinchi o'rinni egallab turibdi.

11 yanvar kuni Entso Mareska shogirdlari Angliya kubogi doirasida o'z uyida "Morkam"ni qabul qiladi.