"Manchester Siti" yozgacha kutishi kerak

"Atalanta" yarim himoyachisi Ederson yaqin orada jamoani tark etmaydi.

Yarim himoyada jiddiy qiyinchiliklarni boshdan kechirayotgan «Manchester Siti» braziliyalik futbolchiga asosiy da'vogar sifatida ko'rilayotgandi, ammo «shaharliklar» yanvar oyida Bergamo yulduzini qo'lga kirita olmaydi.

Braziliya OAV xabariga ko'ra, "Atalanta" 25 yoshli yarim himoyachini qishda sotmaydi. "Shaharliklar" kamida yozgacha kutishlari kerak.

Edersonga "Liverpul" va "Manchester Yunayted" ham qiziqish bildirmoqda. Transfermarkt portali futbolchining qiymatini 50 million evroga baholagan, biroq “Atalanta” u uchun ko'proq pul so'raydi – taxminan 80 million.