O'zbekiston terma jamoasining tarkibi Eronnikidan qimmatga aylandi!

«Transfermarkt» portali birin-ketin futbolchilarning yangilangan narxlari to'g'risida ma'lumot bermoqda.

Portalga ko'ra, bir necha kun avval «Lans» sharafini himoya qilayotgan hamyurtimiz Abduqodir Husanovning transfer qiymati 5 million evrodan 12 million evroga ko'tarilgan bo'lsa, bugun TsSKAda o'ynayotgan Abbosbek Fayzullaevning qiymati 6 million evrodan 8 millionga oshdi.

Shunday qilib O'zbekiston milliy terma jamoasining umumiy transfer bahosi 48,15 million evroga etdi. Bu borada biz Eronni ortda qoldirdik. Forslarning umumiy transfer bahosi 47,90 million evroga teng.