"Barselona" yarim himoyachisi ko'proq o'yin amaliyoti istamoqda

Kataloniyaning "Barselona" klubi yanvar oyidagi transferlar oynasida tarkibini saqlab qolmoqchi.

Xabarlarga ko'ra, "ko'k-anorranglilar" yarim himoyachisi Pablo Torrega bir qator klublar qiziqish bildirmoqda. Klub esa u bo'yicha takliflarni ko'rib chiqmoqchi emas.

21 yoshli yarim himoyachi jamoada ko'proq o'yin amaliyoti olishni istamoqda. U joriy mavsumda 6 ta o'yinda 209 daqiqa maydonda harakatlandi va 3 ta gol urib, 1 ta assist berdi.