"Zenit"ning sobiq hujumchisiga APLning to'rtta klubi qiziqish bildirmoqda

Sankt-Peterburgning "Zenit" klubi sobiq hujumchisi, hozirda "Korintians"da to'p tepayotgan Yuriy Alberto Angliya Premer-ligasiga o'tishi mumkin.

TBR Football xabariga ko'ra, braziliyalik futbolchiga to'rtta klub qiziqish bildirmoqda: "Vest Hem", "Nyukasl", "Everton" va "Nottingem Forest". Transfer summasi 20 million evro atrofida bo'lishi mumkin.

23 yoshli hujumchi 2022 yilning iyulidan buyon "Korintians" safida to'p tepmoqda, bu vaqt ichida braziliyalik futbolchi 145 ta o'yin o'tkazib, 53 ta gol urgan va 17 ta golga assistentlik qilgan.