"MYu" "Atalanta" hujumchisi uchun kurashga qo'shildi

"Atalanta" hujumchisi Ademola Lukman klubini o'zgartirishi mumkin.

CaughtOffside nashri xabariga ko'ra, "Manchester Yunayted" futbolchi uchun kurashga kirishdi. Qayd etilishicha, "mankunianliklar" ushbu transferni yozgi transfer oynasida amalga oshirishni rejalashtirishgan.

Avvalroq OAVda Lukmanga Evropaning bir qancha top-klublari, jumladan, “Real Madrid” ham qiziqish bildirayotgani haqida ma'lumotlar bir necha bor paydo bo'lgan.

27 yoshli nigeriyalik futbolchi joriy mavsumda “Atalanta”ning 14 ta uchrashuvida ishtirok etib, 8 ta gol urdi va 5 ta golli uzatmani amalga oshirdi. Uning transfer narxi 40 million evroga baholanmoqda.