"MYu"ning sobiq darvozaboni Pulishichni Tramp singari raqsga tushgani uchun tanqid qildi

"Manchester Yunayted" va "Everton" klublarining sobiq darvozaboni Tim Xovard amerikalik yarim himoyachi Kristian Pulishichning Yamayka darvozasiga urgan golini Donald Tramp tez-tez ijro etadigan raqs bilan nishonlaganidan norozi.

"Mana mening shaxsiy fikrim: Donald Trampga o'xshab raqsga tushishdan foyda yo'q. Nega? Chunki u AQSh prezidentimi yoki ko'chadagi qo'shnimmi, men hech qachon irqchi deb o'ylagan odamni qo'llab-quvvatlamayman. Men buni ulug'lamayman.

Agar kimdir teskari fikrga ega bo'lsa, unda muammo yo'q. Ammo agar siz siyosiy bayonot bermoqchi bo'lsangiz, uni qo'llab-quvvatlash uchun dadil bo'ling. Jim bo'lmang va Kristian Pulishichga o'xshab o'zingizni aybsiz qilib ko'rsating" - dedi Xovard Daily Mail bilan suhbatda.