"MYu"ning bir nechta futbolchilaridan Amorimning jahli chiqdi

"Manchester Yunayted"ning yangi bosh murabbiyi Ruben Amorim o'zining ilk mashg'ulotlarida ba'zi futbolchilardan hafsalasi pir bo'ldi.

The Sun nashrining yozishicha, portugaliyalik murabbiy ish shiddatidan norozi bo'lgan. Bir necha bor Amorim futbolchilarni tez harakat qilishga undagan. Manbaga ko'ra, Amorim o'z tizimiga to'g'ri kelmaydigan bir qancha futbolchilarni aniqlab bo'lgan.

Portugaliyalik murabbiy hozirda "Manchester Yunayted"ni o'zining sevimli 3-4-3 sxemasida o'ynashi uchun harakat qilmoqda. Ruben Amorim 24 noyabr, yakshanba kuni "Ipsvich"ga qarshi "Manchester Yunayted" bosh murabbiyi sifatida debyut uchrashuvini o'tkazadi.