"Manchester Yunayted" o'zining asosiy transfer maqsadini tanladi

Angliyaning "Manchester Yunayted" klubi "Lill" hujumkor yarim himoyachisi Anxel Gomes bilan shartnoma imzolashni maqsad qilgan. Bu haqda The Sun Football xabar bermoqda.

Manbaga ko'ra, 24 yoshli Gomes "Manchester Yunayted"ning yangi bosh murabbiyi Ruben Amorimning asosiy transfer maqsadi hisoblanadi. Qayd etilishicha, yarim himoyachi o'yini portugaliyalik mutaxassisni anchadan beri o'ziga jalb qilib kelmoqda.

Joriy mavsumda Gomes barcha turnirlarni hisobga olgan holda 15 ta o'yinda qatnashib, bitta gol urdi va bitta golli uzatmani amalga oshirdi.