Klopp "Parij" klubida ishlaydigan bo'ldi

Hozirda "Red Bull" bilan hamkorlik qilayotgan germaniyalik mutaxassis Yurgen Klopp Frantsiya klublaridan birining loyihasida ishtirok etadi.

Lequipe nashri xabariga ko'ra, gap poytaxtning "Parij" klubi haqida ketmoqda. "Parij" klubining bo'lajak xo'jayini Antuan Arno hamkorlik haqida gapirdi.

"Men allaqachon Klopp bilan gaplashganman, u bilan ishlashimizdan faxrlanaman. U bizga skautlik masalalarida yordam beradi", - deydi Arno.

Eslatib o'tamiz, parijliklar ayni damda Frantsiyaning ikkinchi divizionida o'ynaydi. O'tkazilgan 13 uchrashuvdan so'ng jamoa 27 ochko jamg'arib, turnir jadvalida ikkinchi o'rinda bormoqda.