Kanselu "Barselona"da o'ynaganidan xursand

"Al-Hilol" o'ng qanot himoyachisi Joau Kanselu o'tgan mavsum "Barselona" safida o'ynagani haqida gapirdi. Portugaliyalik futbolchi yozda "Manchester Siti"dan Saudiya klubiga o'tgandi.

"Barcelona"da o'tkazgan vaqtimdan mamnunman va aytishim mumkinki, men har doim o'ynashni xohlagan klubda o'ynashga muvaffaq bo'ldim", - dedi Kanselu Saudi Sport nashriga.

30 yoshli himoyachi kataloniyaliklar safida 42 ta o'yinda 4 ta gol urib, 5 ta assist berdi.