Yamal hali ham to'pig'ida noqulaylik sezmoqda

Lamin Yamalning tiklanishi kutilganidan ko'proq vaqtni oladi.

"Barselona" vingeri 6 noyabr kuni Chempionlar ligasi doirasida "Tsrvena Zvezda"ga qarshi o'yinda (2:5) to'pig'idan jarohat oldi. Prognozlarga ko'ra, u 2-3 haftani o'tkazib yuborishi kerak edi.

"AS" nashrining yozishicha, Laminning "Selta" bilan shanba kungi o'yinda ishtirok etishi deyarli istisno qilingan, chunki Lamin hali ham himoya bog'ichini kiymagan holda to'pig'ida noqulaylik sezadi.

"Barselona" vingerni 26 noyabr kuni "Brest" bilan Chempionlar ligasi o'yiniga yoki 30 noyabr kuni La Ligada "Las-Palmas"ga qaytishiga umid qilmoqda.