"Liverpul" "Real Sosedad" yarim himoyachisi uchun 80 million evro taklif qilishga tayyor

Angliya grandi "Real Sosedad" vingeri Takefusa Kuboga qiziqish bildirmoqda.

Fichajes xabariga ko'ra, "Liverpul" yaponiyalik yarim himoyachiga qiziqish bildirmoqda va futbolchi uchun 80 million evro to'lashga tayyor. Qayd etilishicha, "Real Sosedad" bunday saxovatli taklifni rad eta olmasa kerak. Slot shaxsan "Liverpul"da Kuboni ko'rishni istaydi, uni Takefusa ijodkorligi va samaradorligi o'ziga tortadi.

23 yoshli yaponiyalik futbolchi joriy mavsumda "Real Sosedad"ning 16 ta o'yinida qatnashib, 3 ta gol urishga erishdi. Kuboning qishda imzolagan amaldagi shartnomasi 2029 yilning 30 iyuniga qadar amal qiladi.