«Arsenal» Chempionship futbolchisi bilan shartnoma imzolashi mumkin

«Sheffild Uensdey»ning tayanch yarim himoyachisi Shi Charlz «Arsenal»ga o'tishi mumkin. Bu haqda «Fichajes» xabar bermoqda.

Manbaning ma'lum qilishicha, «Arsenal» 21 yoshli xavbekni sotib olish imkoniyatini ko'rib chiqmoqda, uning transfer huquqlari «Sautgempton»ga tegishli. Qayd etilishicha, Charlzning ijara asosida o'ynaydigan «Sheffild Uensdey»dagi o'yini «kanonirlar» vakillarida katta taassurot qoldirdi.

Joriy mavsumda Charlz 12 ta o'yinda maydonga tushib, bitta gol urdi va bitta golli uzatmani amalga oshirdi.