«PSJ» Yamal uchun «Barselona»ga 250 mln evro taklif qilgani rostmi?

«Barselona» vingeri Lamin Yamal haqida yangi ma'lumot paydo bo'ldi.

Avvalroq «Barselona» yozda Frantsiya klubi Yamal uchun 250 million evro taklif qilganini, ammo kataloniyaliklar o'z yosh yulduzini sotish variantini ko'rib chiqmaganini aytib o'tgan edi.

Biroq «L'Equipe» xabariga ko'ra, «PSJ» «Barselona»ga Yamal bo'yicha 250 million evro miqdorida hech qanday taklif bermagan, chunki o'tgan yozda frantsuz klubi bunday miqdordagi pulni transferlarga sarflashga qurbi etmasdi.