Vinisiusning ajdodlari kamerunlik ekan va u buni bugun bildi

Braziliya Futbol Konfederatsiyasi milliy terma jamoa futbolchilarini o'z ajdodlarini o'rganishga undash uchun kampaniya boshladi. Bunda unga genetik testlarni o'tkazuvchi AfricanAncestry.com kompaniyasi yordam berdi.

Madridning “Real” klubi va Braziliya terma jamoasi vingeri Vinisius Junior DNK testidan o'tdi. Ma'lum bo'lishicha, uning ota-bobolari Kamerunda yashagan. Futbolchiga Urugvay terma jamoasi bilan o'yin (1:1) oldidan bu haqda ma'lumot beruvchi sertifikat rasman topshirildi.

"Vinisius Junior haqiqatan ham o'z ildizlarini hurmat qilishni xohlaydi. Biroq, ko'plab afrikalik odamlar singari, uning ajdodlari tarixi irqchilik va qullik merosi bilan o'chirildi. DNK testi tufayli biz Vinisius Juniorning ajdodlari kamerunlik Tikar qabilasiga tegishli ekanligini aniqladik", dedi AfricanAncestry.com prezidenti.