Peru hujumchisi: "Messiga har bir teginish uchun hakamlar qoidabuzarlik deb o'yinni to'xtatishdi"

Peru terma jamoasi hujumchisi Argentina bilan o'yindagi hakamlikdan nolidi.

JCh-2026 saralashining 12-turida peruliklar 0:1 hisobida mag'lub bo'lishdi.

"Ushbu o'yinni qanday tahlil qilganingizni bilmayman, lekin jismoniy tayyorgarlik nuqtai nazaridan menimcha, biz teng edik.

Hakamga kelsak, bunday sharoitda o'ynash biroz qiyin. Bizni turtib yuborishdi, ammo hakamlar birorta ham qo'pollik sababli o'yinni to'xtatmadi, lekin har gal Messiga barmog'imiz bilan tegizganimizda, qoidabuzarliklar berildi. Hech kim bu haqda gapirmaydi, chunki bu Messi", - dedi Paolo Gerrero.