Boks. Sherzod Husanov Rossiyada kamar uchun jang qildi

Rossiya Federatsiyasining Chelyabinsk shahrida professional boks turniri tashkil etildi.

Oqshomning markaziy jangida ikkinchi o'rta vazn toifasidagi tajribali bokschimiz Sherzod Husanov rossiyalik Artish Lopsanga qarshi ringga ko'tarildi. Jang EBP (Eurasian Boxing Parliament) kamari uchun kechdi.

Afsuski, Husanovning burchagi jangning ettinchi raundiga chiqishdan bosh tortdi va bahs oltinchi raundda texnik nokaut evaziga Lopsanning foydasiga hal bo'ldi. Bu 44 yoshli Sherzod Husanovning prof faoliyatidagi yigirma to'qqizinchi jangi edi.

Ma'lumot uchun, Husanov bundan avvalgi jangini 20 sentyabr kuni Polshaning Xoynitse shahrida o'tkazgandi. Babilon Promotion promouterlik kompaniyasi tomonidan tashkil etilgan boks oqshomining markaziy jangida hamyurtimiz polshalik Pavel Stepinga ochkolar hisobiga ko'ra yutqazib qo'ygandi.