«Bavariya» Riberini jarimaga tortdi

«Bavariya» yarim himoyachisi Frank Riberi klub tomonidan jarimaga tortildi.

Gap shundaki, restoranlardan birida 1200 evro miqdoridagi taomga buyurtma berganini bilgan muxlislar Riberini haqorat qilishgan. Futbolchi esa bunday ishqibozlarni tanqid qilgan. Ushbu tanqid uchun Frank jarima to'laydigan bo'ldi. Bu haqda myunxenliklar sport direktori Hasan Salihamidjich xabar berdi.

«Riberi ishlatgan so'z klubimiz sha'niga to'g'ri kelmaydi. Frank "Bavariya" a'zosi ekan, o'zini bunday tutishi kerak emas. Men u bilan uzoq vaqt suhbatlashdim va unga nisbatan jiddiy jarima qo'llanilishini aytdim. Riberi ushbu jazoni qabul qildi», – dedi Salihamidjich.