Rafinya: "Mendan 10 marta yaxshiroq o'ynay oladigan do'stlarim bor"

"Barselona" vingeri Rafinya Dias Braziliyadagi hayotining boshida duch kelgan qiyinchiliklar haqida gapirdi.

"Men Restinga shahridanman. U erda adashmaslik qiyin. Odamlarga pul topishning oson yo'llari taklif qilinadi va odamlar adashadi.

Men adashmadim, lekin shunday voqealarga guvoh bo'ldim. Men jinoyat va giyohvand moddalar savdosi olamida ko'plab do'stlarimni yo'qotdim.

Mendan 10 marta yaxshiroq o'ynagan va endi dunyoning eng yaxshi klublarida o'ynay oladigan do'stlarim bor.

Bu kabi misollar diqqatimni jamlashga yordam berdi. Men futbolchi bo'lishni xohlayotganimni bilardim.

O'z hududingni tark etib, bunga erishish katta qurbonlikdir", - deya Rafinyaning so'zlarini keltiradi UOL Esporte.