"Real" o't o'chiruvchilarning ruxsatisiz bir necha oy davomida "Bernabeu"da kontsertlar o'tkazdi

"Santyago Bernabeu"dagi kontsertlar o't o'chiruvchilarning ruxsatisiz o'tkazildi.

Mundo Deportivo nashri xabar berishicha, bu haqda Más Madridning Madrid shahar kengashiga "Real Madrid" uy arenasi uchun litsenziya bo'yicha so'rovidan so'ng ma'lum bo'ldi.

Ta'kidlanishicha, so'rovga javoban shahar hokimiyati 1 avgustdagi hujjatni jo'natgan, shundan kelib chiqadiki, o'sha paytda "Santyago Bernabeu" litsenziyasi ko'rib chiqilayotgan edi. Kontsertlar uchun ruxsatnoma o't o'chiruvchilar tomonidan tasdiqlanmagan, ular ijobiy hisobot berishdan oldin "ba'zi tuzatishlar" so'rashgan.

Madrid shahar kengashi, o'z navbatida, stadionni "chuqur rekonstruktsiya qilish" bo'yicha ishlarni o'z ichiga olgan operatsion litsenziya faqat 30 avgust kuni berilganini tasdiqladi. Shu tariqa, bir necha oy davomida "Santyago Bernabeu"dagi kontsertlar o't o'chiruvchilarning ruxsatisiz o'tkazildi. Biroq “Real Madrid” va Madrid shahar kengashi 2017 yilda berilgan litsenziyaning amal qilish muddati bo'lmagani uchun o'z kuchini saqlab qolganini ta'kidlamoqda.

Eslatib o'tamiz, avvalroq Madrid rahbariyatining shovqin darajasi bo'yicha talablari tufayli “Real” oktyabrdan martgacha "Bernabeu"dagi kontsertlarini bekor qilgan edi. Klub musiqa va e'lonlar ovozini pasaytirdi, keyin stadionga tutash uylarning aholisini uylarini ovoz o'tkazmaydigan qilib qo'yishga taklif qildi, ammo odamlar buni rad etishdi - ularni nafaqat shovqin, balki kontsert tomoshabinlari ham bezovta qilishdi.