"Bavariya" Devis bilan shartnomani uzaytirishga ishonmoqda

Alfonso Devis "Bavariya" bilan shartnomasini uzaytirishi mumkin.

Bayern&Germany nashri xabar berishicha, myunxenliklar hali ham Devis bilan 2025 yilning yozida tugaydigan shartnomani uzaytirishdan manfaatdor. Qaror himoyachining iltimosiga bog'liq bo'ladi - o'tgan yozda "Bavariya" rahbariyati kanadalik futbolchining maosh talabini juda yuqori deb hisoblagan.

Yanvar oyida, shartnomasi tugashiga olti oy qolganda, Devis boshqa klublar bilan muzokaralarni boshlashi mumkin bo'ladi. Himoyachiga "Real", "Manchester Yunayted" va boshqa bir qator top-klublar qiziqish bildirmoqda.

Joriy mavsumda Devis Bundesligada “Bavariya” safida 5 ta o'yin o'tkazib, birorta ham gol urmagan.