Oston O'runov «Navbahor» bilan yangi shartnoma imzoladi

Bundan bir necha kun avval, “Navbahor” futbolchisi Oston O'runov jamoani tark etdi degan xabarlar chiqqan edi.

“Navbahor” muxlislariga mamnuniyat bilan shuni e'lon qilamizki, 2018 yilgi mavsumda o'zining ajoyib o'yinlari bilan namanganlik muxlislar mehrini qozona olgan yosh, iste'dodli futbolchi Oston O'runov, rasman 2019 yilgi mavsumni ham “Navbahor”da o'tkazadigan bo'ldi.

“Navbahor”dagi chiroyli o'yinlari bilan O'zbekiston OTJ a'zosiga aylangan yarim himoyachi, kelgusida faqatgina xorijdan taklif bo'lsagina “Navbahor”dan ketishi mumkinligini aytdi.