"Roma" Dovbik uchun "Jirona"ga yaxshilangan taklif bilan chiqdi

Italiyaning “Roma” klubi hujumchi Artyom Dovbik transferi uchun “Jirona”ga 33 million evro va bonuslar taklif qildi. Bu haqda jurnalist Nikolo Skira xabar berdi.

Manbaga ko'ra, futbolchining "Roma" bilan shartnomasi allaqachon kelishilgan va 2029 yilgacha mo'ljallangan, yillik maoshi 3 million evro. Xabar qilinishicha, klublar kelishuvni tasdiqlashga yaqin turibdi.

Avvalroq Dovbik "Atletiko Madrid"ga o'tishga yaqin ekani xabar qilingandi. Klublar va futbolchi transfer shartlari bo'yicha kelishib oldi, biroq komissiyalar bilan muammolar yuzaga keldi.