“Inter” hujumchisi klubni tark etadi

Milanning “Inter” klubi hujumchisi Xoakin Korrea joriy transfer oynasida sotilishi mumkin.

Argentinalik futbolchi o'tgan mavsumda ijara asosida "Marsel"da o'zini ko'rsata olmadi. Futbolchi Simone Indzagi rejalariga to'g'ri kelmaydi, shuning uchun klub transfer takliflarini o'z xohishi bilan ko'rib chiqadi.

Jurnalist Simone Togna xabariga ko'ra, "Latsio" va "Sevilya" vakillari allaqachon Korreaning agenti bilan bog'lanishgan. "Inter" 29 yoshli forvardni sotishdan taxminan 7-8 million evro ishlab olmoqchi.