Flik «Bavariya» tarbiyalanuvchisini «Barsa»da ko'rmoqchi
/ Kiritdi: BestMaster Ko'rilgan: 88
![](https://stadion.uz/images/news/штиллер_штутгарт.jpg)
«Shtutgart»ning 23 yoshli yarim himoyachisi Angelo Shtiller «Barselona» futbolchisiga aylanishi mumkin, deb xabar bermoqda Ispaniyaning "Sport.es" internet nashri.
Manbaga ko'ra, «Barselona»ning yangi bosh murabbiyi Xans-Diter Flik maydon markazini kuchaytirish uchun futbolchini transfer qilishdan manfaatdor. Shtiller allaqachon «Bavariya»da nemis mutaxassisi qo'l ostida o'ynagan va u erda Chempionlar ligasi va Germaniya kubogida debyut qilgan.
Angelo Shtiller – «Bavariya» tarbiyalanuvchisi. Joriy mavsumda yarim himoyachi «Shtutgart» safida barcha musobaqalarda 36 ta o'yin o'tkazib, bitta gol va 6 golli uzatmaga mualliflik qilgan. Futbolchining nemis klubi bilan shartnomasi 2027 yilning iyun oyi oxirigacha amal qiladi. "Transfermarkt" internet portaliga ko'ra futbolchining taxminiy narxi 20 million evroni tashkil qiladi.
Manba: championat.com