Noyer: ""Real"ga qarshi o'yinda har doim mayda-chuyda narsalar barchasini hal qiladi"

"Bavariya" darvozaboni Manuel Noyer Chempionlar ligasi doirasida "Real"ga qarshi o'yin oldidan o'z fikrlarini bildirib o'tdi.

Eslatib o'tamiz, birinchi yarim final uchrashuvida jamoalar Myunxenda 2:2 hisobida durang natija qayd etgandi.

Javob o'yini 8-may, chorshanba kuni Madridda bo'lib o'tadi.

"Hammasi ikkala jamoaning ertangi o'yinga qanday formada yondashishiga bog'liq bo'ladi. "Real" kabi jamoaga qarshi o'yinda har doim mayda-chuyda narsalar barchasini hal qiladi.

Biz ham, “Real” ham hujumda yaxshi o'ynaymiz. Biz o'zimizga ishonamiz va oxirgi o'yinda qanday o'ynaganimizni tahlil qilamiz.

"Biz birinchi o'yinda "Real"ni mag'lub etishimiz mumkin edi, demak, ikkinchi o'yinda imkoniyatlar bo'ladi", - deya Noyerning so'zlarini keltirgan Bayern & Germany.